fredag 25. juli 2008

I'm shutting down...

...i alle fall for ei stund. Blæ!

fredag 18. juli 2008

Tristesser.

Mi materialistiske verd fell i grus. I det store og det heile er eg ikkje opptatt av ting og tang. Men der er nokre element som er med på å forme kvardagen min. Desse tinga er:

  • Min kjære iPod. Kva er vel livet utan musikk?
  • Min kjære MacBook. Kva er vel livet utan den, sånn reint generelt?
  • Mitt kjære kamera. Ja, det er berre eit vanleg digitalkamera, men kva er vel livet utan visuelle minner?
  • Min kjære veteranmobil. Kva er vel livet utan å kunne ringje mamma?
  • Mi kjære lommebok. Kva er vel livet utan noko å miste? Ja, heile tida...
Noko trist som er i ferd med å skje no er at tinga mine sakte men sikkert, ein etter ein forsvinn. Først kameraet mitt på kèpfesten til Fred. Og no for eit nokre dagar sidan på Stadt, forsvann iPoden min. Begge heilt sporlaust. Eg er vonbroten. Dessutan er dei grøne hjartebrillene mine frå Roskilde knekte. Eg er knekt.



Mamma gifta seg forresten i hatt. Er den ikkje fin?


*poze*
Eg har bloggsperre. Klarar ikkje skrive noko fornuftig på ein fornuftig formulert måte. Slik er det. Kanskje det kjem att. Eg veit ei.

Eg har bai de wei fått lappen. Jè! No raggar eg rundt i Florø sine mørke strøk med pappa sin vesle raude. Eine døra fungerar ikkje, men det er greit.

søndag 13. juli 2008

Die Stadt

...eller tvert i mot. Eg har no vore på bygda Stadt sida onsdag kveld. Dette har eg opplevd:

  • lærekøyring
  • strandkos
  • god mat
  • forkyling
  • besøk av Hilde, Helge og Mathilde = kjeks
  • planar om surfing, men heime grunna forkyling, medan besøk surfar
  • mini-roadtrip med besøket
  • Fure
  • krangla + blitt ven att med mama.

I morgon ber det heimatt til Florø, der Daniel og sin sveits-kompis, Jonas befinn seg. På tysdag er eg remakjerring på fulltid og ut veka. Diverre fekk eg dei aller kjipaste vaktene: 15.00-22.15, noko som betyr null sosialt samkvem. Då blir det i tilfelle om natta, sidan alle jobbar frå ni til tre eller noko... Men men, ja ja. Eg er uansett ganske frisk til sinns, og gler meg til å kunne tjene litt gryn i og med at eg er rakablakk etter Roskilde.

koz.

fredag 11. juli 2008

Roskilde og sånn

Ja ja, då var det tilbake til sivilisasjonen. I alle fall for ein augneblunk. Deretter var det rett til Stadt og vår alles kjære Ditlef-Maria-Hus. Her har eg eg mot all fomodning no funne eit nyetablert nettverk eg kunne stjele litt signal frå. Og ja, eg veit; litt sleipt er det. Men når vi helst ikkje vil at det gamle huset vårt skal overteknologerast (?)-eh, ja... - med internett og andre styggedommar, må ein nesten rekne med at noko slikt skjer. Internett-tjuveri altså.

I dag har eg vore på Myresanden og kosa meg. Får eg skjeve med jordbær og sukker på, er eg meir enn lukkeleg. nam nam.

Uansett: grunnen til at eg skulle skrive dette innlegget var eigentleg berre for å hylle Roskilde. Eg har aldri hatt det så kjekt som eg har hatt denne veka på festival. Heile atmosfæren var heilt magisk (utan å virke overdrive positiv). Musikken, folka, telta, butikkane og campen vår. Reisefølget var heilt perfekt! Og vi hadde det kjekt uavbrutt. Eigentleg vil eg ikkje sitje her å sette ord på ei slik storarta oppleving. Det vert for lite dekkjande -uansett. Her er heller litt godiz: (bileta er teke med eingongskamera, difor den sjarmerande, dårlege kvaliteten)




torsdag 26. juni 2008

kort oppsum. trøtt lzm. gidd ik mer lzm.

4 dagar i florø: prison break, regn, kosevenna, tannlege (4 hol -> måtte booke to nye timar for å få totalrenovasjon. blæ), pizza hos tante, sol, pakking til roski, prison break, sakn-meldingar til resten av familien som er i det sveitsiske land; sveits (med 30 varmegrader, ost og fjell), klimpring på klaveret, mat av ingenting, prison break, altfor kosesjuk oliver (katt) = flott (flått, fløtt) all over.

med andre ord: chill dagar med mykje stress.

koz klemz gid og sånn.

lørdag 21. juni 2008

Kèp, hamburger og tøffe typa

Sommarferien har endeleg tatt til for fult, og i dag er det faktisk laurdag. Dei siste dagane har eg heile tida tenkt at det anten er sundag eller laurdag, og at skulen kvar augneblink skal sprette opp i trynet på meg. det har den foreløpig ikkje gjort, og eg byrjar å tenkje: "kanskje den faktisk ikkje gjer det før om åtte veker?" Og det er jo i bunn og grunn sant. Så ChriZ: FACE THE TRUTH.

På onsdag feira Fredrik gebursdagen sin, og valde å selebrere med ein kèpfest. Eg kledde meg ut som Kép i eigen person, og vil seie eg lukkast. Elles hadde vi litt av kvart: RidderKép, RaddisKép, SølvKép, HårKép etc. Ein liten kjip ting som diverre skjedde var at eg myste fotokameraet mitt, og finn det ikkje att. Om nokon, mot all formodning skulle tatt det med seg, pliz gi det tilbake. TaCk. Då kan eg poste litt kèpbilete. Dei var nemleg morosame.

I går kveld tilbrakte eg og besøkande Oda frå Florø, heile kvelden på Glopperockområdet i hamburgerteltet. Vi selde hamburgarar så det fauk etter. Klokka to kom vi heim til rein hybel fettluktande som vi var. Likevel var det verdt det, for vi fekk billettar til dagen i dag, som faktisk betyr alt i verda. Kvart på åtte er Big Bang på scena, og eg er ja-men òg klar. Det vert ikkje verre av at etterfølgaren er Madrugada. Jippi.

Roskilde nærmar seg med stormskritt, og eg og Fredrik er godt i gang med planlegginga. Vi skal vere teltbudz, og har vald å kalle teltet vårt for "tøffe typa". Ved sida av tittelen har Fredrik teikna vår oppfatning av ein "tøff type". Vi vurderar sjølvsagt òg å gå rundt heile festivalveka med ei dongerijakke over skuldra + skinnskjegg, men det kan kanskje verte litt travelt. Så vi vurderar å ikkje gjer det òg.



Om nokon vil besøke campen vår, kallar vi oss "Spenene". Kom kom!

onsdag 18. juni 2008

Mamma er spesiell

Vår kjære lokalavis Firdaposten, har i heile mi Florøiske levetid pryda innsida av postkassa. Det har ikkje gått ein dag (tysdag, torsdag og laurdag for å vere presis) at vi ikkje har hatt henne i hende. Vi har sjølvsagt òg betalt alle rekningar som den gode abonnenten vi er. Likevel får mi kjære mor stadig vekk henvendingar frå søte avisansette som vil verve ho som abonnent. På måndag fekk mamma eit brev i posten, som etter mi meining tok kaka. Det var sjølvsagt frå lokalavisa, underteikna av redaktøren med eit aldri så lite bilete av han poppande opp frå høgre hjørne. Brevet hadde overskrifta: "Du er spesiell". Mor mi er spesiell på mange måtar ho, ingen tvil om det. Det er til dømes få ansette i blindeforbundet (i hennar tid der) som ville teke med seg ein blind mann for å køyre bil (stort ønskje). Men det var ikkje heilt det brevet sikta mot. Mamma var spesiell fordi ho ikkje abonnerte på Firdaposten. Etter å gong på gong berre har ledd av det og sagt: "Eg skjønna ikkje at det e mulig", tok vi no saken i eigne hender, og skreiv eit brev tilbake. Hoho, eg og mor hadde det morosamt kan de tru:

søndag 15. juni 2008

PIKNIK

Hadde livet vore ein piknik, hadde eg vore uavbrutt lukkeleg. Mat, godisfolk, koz og klemz, og sjølvsagt sol, maur og lydar. Same frå kvar. Piknik kan ein forresten gjennomføre overalt. Har ein dei tidlegare nevnte elementa er ein sikra ei hyggjeleg stund om ein befinn seg i ein skog, grøftekant eller rasteplass.

Klokka halv ni har eg noko kjekst å sjå fram til: PIKNIK. I dag har eg lagt sjela i forarbeidet og laga eit parasolltelt. Akkurat no sit eg her mutters aleine, og nyt dei flagrande teppa som heng ned frå parasollen akkompagnert av Lykke Li. Herleg. Sola er framleis litt varm. I alle fall no når eg tok på meg tjukkesokkar. Om snart kjem deilige florøfolk, og gulrotkaka frå mamma står klar til bruk oppe på kjøkenet.


torsdag 12. juni 2008

Livet er for godt -aha.

Ja, det regnar, og ja det er kaldt. Men det hindrar ikkje meg i å ha eit godt liv. I går fekk vi vite at vi ikkje kjem opp i munnleg -uansett. Vi vert rett og slett ikkje trekte. Uendeleg deilig. På denne måten vert det sjølvsagt berre sløving på skulen. Eller... ganske mykje i alle fall. Vi har heldigvis fått gjort unna ein god del med årets Q-filmfestival (november 2008). Eg vart festivalsjef, og Blingvild har rolla som nestsjef og er mi høgre hand. Det er flott for meg å ha ho. Eg gler meg kjempekjempe til å jobbe meir med prosjektet og er overtydd om at i år vert historias beste Q-film.

Neste helg er det Glopperock her på Sandane. Eg oppfordrar kvar ei sjel å kome. For det er ikkje småplukk vi har henta til oss i år. Neida, BIG BANG og MADRUGADA skal spele for det glade følk. Og eg gler meg. Eg har verken sett Madrugada eller Big Bang live før, så det vert nok ei fantastisk oppleving. For å spare meg nokre hundre kroner, har eg sagt meg villeg til å hjelpe til (stå i kiosk) på fredag, slik at eg på laurdag får gratis inngang på dei store konsertane. Om nokon andre er interesserte i noko liknande, er Glopperock takksame for all hjelp dei kan få både fredag og laurdag. Og om nokon kunne tenkje seg å kome, har vi ei flott kjøkenseng å tilby her på hybla.

I morgon er eigentleg siste dag på skulen for oss i 2. klasse media. Eg skal heim til mor og far. Vi skal ete reker, kose og synge. Eg gler meg. No saknar eg dei veldig. Resten av Florø òg.

onsdag 11. juni 2008

EksamensKØYR

Då var både eksamen, "by"køyring og langkøyring forbi. Eksamen gjekk vel rimeleg greit. Ikkje det beste eg har gjort grafisk sett, men karakteren var fin, og då er eg nøgd inn til vidare. Eg er berre glad eg er heilt finito. Om dei utspekulerte ovanpå skulle finne på å trekke oss opp i munnleg, er eg den fyrste å ete frå den forgifta leverposteien i kjøleskåpet. No kan eg faktisk ikkje skulere meir. Kroppen seier stopp, sinnet seier stopp, og til og med munnen min seier stopp.

Køyring i Førde (noko som neppe kan definerast som bykøyring), var eigentleg svært kjekt. Lyskryss, rundkøyringar og andre fasilitetar var vanskelegare sagt enn gjort. Og det frå ein så-som-så-sjåfør med vingleratt og for høg fart. Til Ålesund på langkøyring gjekk det òg ganske greitt. Mona si stilling som kartlesar kan heller diskuterast. Og omvendt, forsåvidt.

Som ei innskyting før eg atter ein gong legg meg (for seint), legg eg ut bilete av brosjyra som var ein del av eksamensoppgåva. Fargen er eigentleg lik på alle sider. Printeren var berre vrang. Det er den mørkaste raudfargen som tel:



Gute Schlacht.

søndag 8. juni 2008

Film ++

Eg vakna i nitida, slik eg alltid gjer når eg helst vil sove lenge, og fann eine kompisen til Andreas snorkande på kjøkenet. Sjølv om vi har ei rimeleg god kjøkenseng til disposisjon, valde godaste Mario sjølvsagt å leggje seg i ein halvpløsete gummibåt. Eg oversåg det glatt og overdøyvde snorkinga med min biblioteklånte film: "Så om i himmelen". I to timar og ti minutt var eg klistra til skjermen, medan den nydelege filmen rulla. Akk, er berre alt eg har å sei. Den var så fin. Og Gabriellas song var enda finare enn eg hadde høyrt. Kos-, grin-, og musikkoppfyllande anbefaling. Sjå den om du ikkje har sett den, og om du har; sjå den igjen!

Etter filmen gjekk eg bort til Sonja. Eg fekk is til frukost. ihi. Vi såg ein film til. Like greit når eg fyrst var i gong. "What happens in Vegas", var det no som pryda skjermen. Ikkje heilt optimal, men betre enn venta. Tittelen og coveret avslørar vel eigentleg det meste.

Etter Sonja stakk eg heim att for å bu meg til eksamen. (Ja, du las rett.) Sensor vart nemleg sjuk på fredag, så den munnlege delen vart sjølvsagt flytta til måndag. Og eg som hadde budd meg på ei utan-skule-i-det-heile-helg. Heilagsundag kjem visst aldri tilbake. Om eg er skikkeleg heldig, kjem eg vel opp til munnleg neste veke, slik at eg må bruke neste sundag til skule -igjen.

Klokka ni gikk eg bort til Heffe. Gjett kva vi gjorde. Nei, ikkje det. Vi såg FILM. Jehei. Blue Streak. Eg elskar den. Vart litt blank i augene då eg kjende melankolien stige i meg. Ingen andre enn meg og min bror bjørnen, Daniel har høyrt om den. Også hadde Heffe den. Konge! Eg hadde gifta meg med Martin Lawrence om eg kunne.

No skal eg krype til køys. I morgon tidleg skal eg på "bykøyring" i Førde. Staz.

lørdag 7. juni 2008

Helg er ei av mine favoritting. Det er avslappande, godt og gjer nesten alle om til dei såkalla slaskane. Klokka er halv eitt, og eg ligg framleis til sengs. Med macen min på fanget og Bob Marley trommande frå naborommet, er eg i overraskande godt humør. I kveld blir det seinfeiring av Blingvild sin bursdag frå april og naboHanna sin bursdag frå i går. Det er slett ingen dum idè, når ein ser ut av vindauget og blir blenda av ei 25 varmegradene som gjer alle så godt. 40 gjestar har takka ja på facebook, og elles kjem det vel en del random peepz dei ikkje har rekna med. Det blir festleg. Kjærasten til bursdagsroomien min, Andreas, har kjøpt seg gummibåt og laga eit sjørøvarflagg han kan ha att med. Ganske søtt, tykkjer eg.

Eitt minus med dagen er:
Alley McBeal sesong to vart nettopp ferdig nedlasta, og eg jubla heilt til eg fann ut at den var på spansk. (eg skriv det med lita skrift, sidan det ikkje er så farleg likevel, når ein har ei kjekk bursdagsfeiring å sjå fram til)




torsdag 5. juni 2008

Eksamenspjatt

Ja de, då er det endeleg eksamenstid for oss på medielina. Dagen i dag har gått til førebuing, der råmateriale som bilete og tekst har vorte innhenta. I morgon skal eg redigere saker og ting og ende opp med to sluttprodukt: ein plakat og ei brosjyre. Tema var reklamekampanje, og eg (+ to andre med same oppgåva), skal reklamere for det flotte tilbodet "Trygt heim for 50 kr" eller noko sånt. Vi får berre klisjèoppgåver. Sist gong skulle eg lage ein TV-reportasje om "open skule"her frå Firda. Alle oppgåvene har sjølvsagt "ungdom" som målgruppe. Litt keisamt, men like greitt. Så slepp vi å tenkje så grundig over akkurat det.

Som eit p.s. må eg berre legge ved eit ganske dagsbeskrivande bilete av meg. Polarbrød har hatt hovudrolla på denne søte torsdag. Eg har snart ete tolv...

onsdag 4. juni 2008

Bananolje og bingo

Everything is great! Dagen i dag har vore så avslappande ein dag kan bli. Vi henta ned att bileta våre frå utstillinga på senteret, og skulle no henge dei opp på skulen. Det var litt enklare sagt enn gjort med mine bilete, som skal sjåast tosidig, hengande ned frå ei grein. Med andre ord vart eg ståande sjanglande to meter oppe i lufta i ei gardintrapp for å surre greina, eller eigentleg fiskesnøret, rundt ei lampe. Også midt i gangen då... Folk kjem til å gå rett i dei. Om dei er litt distré. Slik som meg...

Etter skulen gjekk eg og Blingvild ned på brygga for å steike oss. Sonja kom etterkvart og laga enda betre stemning med iPodhøgtalera og sololje frå USA. Den lukta banan. Og eg ville helst ete den framfor å smøre meg inn med den. Nedturen kom då eigaren av brygga kom og kasta oss vekk. Njaja... kasta og kasta, han sa i alle fall vi måtte ta oss ei pause. Han skulle nemleg fikse brygga. Han hadde eit brekkjarn i handa, så vi var kvikt påkledde og bortevekk. Vi kjem att imorgon.

Eg kan òg meddele at eg i løpet av denne dagen for fyrste gong spelte radiobingo. Det var kjemmorosamt, og Sonja vann faktisk 300 kr. Eg var to ruter frå å få gullrekke (7000 kr). Det kunne eg hatt mykje glede av! hoho.

I morgon er det førebuingsdag til tverrfagleg mediumeksamen. Eg grugledar meg. Det gjekk så fint på tentamen, at eg ikkje har særleg med nervar att i kroppen. Enda, visstnok. Det vert spanande å sjå kva tema eg trekk. Sist var det film. Det har eg ikkje noko i mot å få igjen.

tirsdag 3. juni 2008

Lukke på jord

I dag er eg berre lukkeleg. Vi er ferdig med den siste prøva frå månaden som kan samanliknast med skjærsilden. I går (sundag) var eg så lei, eg trudde eg skulle visne. Når vart heilagsundag gjort om til lesesundag? Er det ikkje meininga at helg skal vere helg? Med null motivasjon i kroppen, (tvert i mot kjeks) er det ikkje så lett å lese om økonomisk og kulturell globalisering uansett. Dei to kapittela vi skulle ha prøve i, byrja eg ikkje å lese på før klokka var halv ett om natta. I tillegg klarte eg sjølvsagt å forsvove meg til skulen. Himmelsk! Men eg rakk prøva då, heldigvis... Eg klarar ikkje å tenke karakterar lenger. Kanskje etter sommarferien, men no er eg klar for eit nytt, fint liv i mange lysår framover.

I dag har eg berre slappa av, spelt volleyball, sola meg og bada (!!). Det var årets fyrste i fjorden, og det var deilig! Eg trur Sonja fotograferte:

Eg har nettopp sett verdens fyrste episode av Alley McBeal med mine to, kjære sambuarar, og alt er fint. No høyrer eg introen til Toto sin "Africa" på ny og ny og ny. Mariell introduserte meg for denne songen, og eg likar eigentleg berre introen og alle mellomspela som er av same slag som introen. Veit ikkje kva det minnar om, men ...ahh.

lørdag 31. mai 2008

Tull

No har eg endeleg funne ut kvifor eg alltid må skrive ein tidlegare dato enn det eigentleg er for å få publisert innegg her. Eg hadde tidssona til Kuala Lumpur som instilling. Etter å ha skifta til Oslo, vart sjølvsagt alle tidlegare innlegg litt fortulla. Men eg orkar rett og slett ikkje å forandre på så mange innlegg, så de får ta døgnrytmen min med ei klype salt.

Rot, Foto og Silke.

No har eg og min kjære sambuar, Geir nettopp vore nede på senteret med kjeks og saft. Det seier kanskje seg sjølv at dette vart frukosten. Nam. Ballerina. Eg må forresten sei meg nøgd med utstillinga. Planen min om dingeldangelbilete gjekk i oppfylling, og eg har faktisk fått ros. Kjempekjekt!

Som de kanskje ser, har eg skifta bloggnamn til Silkeschwarzen. Dette av to grunnar:
1) Christine er litt for allment og keisamt.
2) Min andre kjære sambuar, Blingvild kallar meg Silkeschwarzen i ny og ne. Og eg likar det. (For de utanomforståande som ikkje skjønar noko, er Schwarz etternamnet mitt. Difor kallenamnet)

No skal eg rydde rommet mitt. Det har faktisk aldri sett verre ut:



Og ute er det fint vèr. Er det ikkje flott?

torsdag 29. mai 2008

Sandane: I LOVE YOU

Det har vore ein kjekk dag! Trass ei stressande tid med mange prøver og innleveringar, har eg hatt det supert. På skulen vart eg ferdig med fotoprosjektet mitt. Ei stor bør av mine akslar. På laurdag skal klassa stille bileta ut på senteret. Oppe der, veit du. Kom kom!

Fram- og baksida på eit av bileta mine som skal henge ned (frå eit eller anna eg ikkje veit enda) . Tanken er liksom at ein skal få sjå kva som er på innsida. Difor er det ikkje lagt så stor vekt på utsidebiletet. Mine to andre inside pictures er frå ruinen på andre sida av gata, og vårt eige kvite gulehus. Dei får du sjå på laurdag.


Då klokka slo halv fem, fekk vi komme å sjå arbeidsvisning til ein flokk i tredje drama. Dei har eksamen og er kjempeflinke. Lina var ein (for) svett mann i eit bosspann.

På veg ned att frå skulen, fann eg og Fredrik ut at vi skulle hoppe i vasspreiaren, plassert på fotballbana. Dette var kjeks! Og vått. Og deilig. Og kjempemorosamt. Geir var fotograf, men bileta har eg ikkje fått fingrane i enda. Som to vatntunge posar slentra vi oss glade og nøgde ned mot sentrum for å kjøpe is. Den spragleisen som er ny. Og kjempegod. For å kjøle ned beina ein smule meir, putta vi dei i fontena og hadde eit fint liv. Diverre er eg tilbake att på min innehybel, fordi Margot, min kjære norsklærar krev stil frå meg. No skriv eg blogg for å utsetje. Eg har dessutan ete honning- with a twist of orange-melon no. Kjempemessig!

onsdag 28. mai 2008

Livet er godt att, med peanøttsmør på.

Eg er berre nøgd.
Eg har teke teoriprøva for førarkortet, jippiii!
Eg har lagt i sola i dag.
Eg har ete rugsprø m/ peanøttsmør + iskaffi til. mm.
Eg er nesten ferdig med fotoinnleveringa.
Eg skal snart sjå Frustisane.

Til helga skal klassen ha utstilling på senteret med dokuentarfotoseriane våre. Eg gler meg til å sjå alle sluttprodukta. Til helga skal eg òg slappe av, rydde rommet mitt ein gong for alle, og støvsuge resten av hybelen. Utruleg kor mykje skit som poppar fram etter ei (kanskje to...) veke(r). Peace and love, I´m a dove.

mandag 26. mai 2008

Så sinnsjukt konge at det var like fint vèr i dag som i går. Verkeleg. Ja, det synes eg faktisk, utan å overdrive. NEI! Eg hatar det. Og i dette deilige veret måtte eg sjølvsagt setje meg inn fordi konsentasjonen som i utgangasunktet var dårleg, vart dobbelt så dårleg utandørs med trampoline-hoppande småkidz, hyggelege naboar og koseOliver som eg elskar. På kjøkenet som var min nye puggebase, vart eg plutseleg nyfiken på alt snikksnacks som var gøymd i skapet. Ellers tenkte eg over ting som ikkje var saklege i forhold til prøva eller noko anna, for såvidt.

No er eg i grunnen berre sint. Eg er kjempesint. For det fyrste har eg ikkje oversikt over prøva i det heile. For det andre har vi alt for mykje å gjere på skulen. For det tredje har eg i det siste hatt ein tendens til å komme på kant med folk i heimbyen. Dette er jo sjølvsagt supert. I allefall når det er nokon av dine næraste.

No er det alt for langt på natt for meg. Eg trur ikkje eg for sove, men eg får give it a shot. Shalom.

søndag 25. mai 2008

Stripping, "lesing", og jobbing.

Ein laurdag er til ende, og eg kjenner den ikkje var fylt med "dag", om du skjønar kva eg meiner. Det har liksom ikkje gått ein dag for meg enda. Eg tenkjer no at eg skal leggje meg, og i morgon er det laurdag. Då er det ikkje kult at det er sundag. For eg har faktisk ikkje byrja å øve på prøva (den GIGA prøva) vi skal ha på måndag i mediekommunikasjon. Og ja, eg er klar over at alle hadde planar om å lese heile helga (inkludert meg), og eg hatar at eg ikkje har fått gjort det enda. Til mitt forsvar jobba eg frå 12.00 til 20.30 i dag. Eg var ein helgen og byta vakt med min kjære fetter, Endre fordi han skulle få besøk av kjærasten sin. Eg tykte eg heller måtte vere romantisk, framfor anti, så eg sa sjølvsagt ja, sjølv om eg eigentleg hadde tenkt å, som sagt, lese. (ja, eg veit eg er snill).

Eg trur dessutan mamma heller vil ha meg som heimeverande kosedyr, framfor suksessfull kvinne. Pappa òg, forresten. Dei bestikk meg, slik at eg faktisk ikkje kan lese! "Men Christinee? Vi har leigd Varg Veum, og kjøpt snop og laga pizza og sånn. Du kan jo lese litt ittepå, eller?" Jada, det skjedde. No skriv eg blogg istadenfor. Dei vil til og med ha meg med på øyvandring i morgon. Og ja, det freistar enormt. Ah, men... trist nok, så skal, og må eg faktisk lese i heile morgon, sidan eg ikkje har byrja før. Typisk meg. Men sånn er det altså blitt. No skal det ikkje skrivast meir om det. Då blir eg berre sint.

Eg kan heller fortelje om min sære/interessante/morosame draum eg hadde natt til i dag. Eg drøymde nemleg at eg skulle vere med skulen til veslesystera mi i ei framsyning dei tidlegare har hatt, men i fantasien si verd, skulle setjast opp att. Framsyninga heiter Sirkus Torvmyrano, og seier seg sjølv at dette var ei sirkusframsyning. Heile barnehagen, små- og storskulen deltok, og no i denne nye framsyninga skulle altså eg vere med. Men eg var verken akrobat, sjonglør eler klovn. Eg skulle strippe. Kan du tenkje deg? Saman med barneskulen. Og som musikk til denne vesle seansen, skulle altså ein liten gut frå småtrinnet spele hardingfele -på einhjulsykkel. Eg forstår ikkje korleis det går an. Skulle gjerne ringt min amerikanske, draumetydande grandunkel Arthur, i Sveits og spurt kva dette tyder. Eg er nyfiken som ein fiken. Det verste var eigentleg at eg trudde på heile strippesirkuset då eg vakna opp i dag tidleg. Eg byrja heilt på alvor å tenkje ut moglege løysningar for jobbinga, slik at fekk rekke begge deler. Hoh, eg er glad ikkje alt eg tenkjer/drøymer skjer i røynda.

Som avsluttande ord, vil eg gjerne seie at eg kunne ønske eg ikkje jobba eller hadde prøve å lese til i dag. Det var så fint vêr. Og eg hadde lyst å spytte på dei som kom inn på Rema med shorts og solkremduft. Æsj! Men kva gjer ein vel ikkje for pengar?

mandag 19. mai 2008

No milk today, all the money spent on trelim

Enda ein måndag har entra kalenderen, og eg er budd på ei veke utan like. Heilårsmappa eg burde byrja på ein gong i forrige veke, har eg altså (overraskande nok) ikkje teke i hende. Dette er sjølvsagt kjipt, i og med at eg på denne måten ikkje vil ha eit liv dei neste fire dagane. Ikkje somn heller, for den del. Og er det noko eg verkeleg treng no, så er det nettopp det. Dagar langt tilbake i forrige veke, har vore sterkt prega av rangling og lite seng, og behovet mitt har samla seg opp til ein stor somnklump, som ikkje kan utløysast. Augeloka mine byrjar å flimre når eg sit i ro eit par sekundar. Not cool.

Eit anna bekymringsverdig tema er økonomien min. Følar den berre dalar og dalar. Eg loggar meg inn på nettbanken min, og ser berre raudt. Med det meiner eg alle dei utgåande summane som poppar opp i trynet på meg. Berre i dag har eg brukt mange hundre kroner på ting som legetime, (enda ein) hostesaft og trelim (må lime skapet mitt). I tillegg må eg betale husleiga mi på 2000 kr om eit par dagar. Livet er jamen ikkje lett. Tenk om eg hadde vore rik. Det hadde vore Qlt (ref. SMS-boka).

I dag har eg vore svært effektiv, og har snart oppretta ei ny Ditlef-Maria heimeside. Det er ein del av årsmappa. Difor effektiviteten. No må eg lage resten av galleriet. Herman´s Hermit får meg til å jobbe i fortare.

P.s. Eg fekk 5 på mediatentamen!! Joho.

søndag 11. mai 2008

Forsvinn!

I snart ein månad har eg vandra omkring som ein slimsnegle med hostetiks, og mest sansynleg smitta halve Sandane og Florø med forkjølinga mi. Ekstra kjipt er det no når fineværet endeleg har gjort sin entrè, og ein gjerne vil sitje ute lettkledd rundt grillen med softis i eine handa og solkrem i hi. Den kalde brisen som kjennes deilig der og då, tenkjer ein kanskje ikkje skapar ein trivselhage for bakteriane i halsen. Ein jubel bryt laus, og dei formeira seg nesten like mykje som Sogn og Fjordingane gjer i løpet av ein vår (ja, eg leste statistikk i eit magasin).

No ligg eg her trygt og godt i mi eiga seng i Florø, og er klar for å sjå ein episode Sex and the city før eg tilkallar Herr Blund. Etter å ha prata med mamzèn i telefon (dei er på Stadt), har eg no gjort alt ho har sagt eg skal gjer. "Dæ du gjer æ å henge ei eddikfille ved siden av senga. Det hjalp alltid då du va lita. So finne du dæi en varmepose med kokande vatn som du legge på bringa. Noke du òg kan gjer e å legge den store, grøne puta onde overmadrassa, so du ligge litt opp med haude´, ogso legge du dæi med en einaste gong (sovn æ den beste medisinen)."

No ventar Carrie på meg. God natt.

lørdag 3. mai 2008

Stadt er godt

No sit eg i mitt nydelege Ditlef-Maria-Hus med macen på fanget, omringa av stearinlys og god stemning, -avslappa stemning. Det er så herleg å vere her. Ein er liksom så langt i frå alt, og tankane vert berre att der dei opprinneleg vart til. Stadt er i seg sjølv ein fredeleg plass, der sauer, born og måkar går hand i hand.

Huset, eller rettare sagt rønna vi kjøpte under tvil i 2003, har vorte ei perle. Det tykkjer i alle fall eg. Det er eit uendeleg prosjekt, som aldri kan verte ferdig, men eg elskar det. I dag har vi laga plen. Det har det siste året berre vore ein ujamn brun flekk, fordi vi i fjor sommar og utover hausten renoverte huset på utsida. No, derimot er tida inne for ny innsats, og eg trur det vert bra! I fem og ein halv time har vi plukka stein, luka ugras, lagt ny jord og strødd grasfrø. Eg gler meg til og sjå resultatet, og etterpå kunne rulle meg i graset.

Etter ein helteinnsats i hagen, køyrde eg og pappa på tur, så eg ikkje skal stryke når eg ein gong skal på oppkøyring. Det nektar eg –foreløpig. I første omgang er det no teorien som står for tur. Jaja, den tid, den sorg.


onsdag 30. april 2008

Dåli

Ja, eg har ikkje vore særleg til bloggar i det siste. Det har vore så mykje kjekt, og så mykje og gjere, at eg rett og slett ikkje har funne tid til å blogge. Heller ikkje til å rydde rommet mitt. Det ser for tida ut som ei ungkarsbrakke frå 90-talet. Lite tøft.

For å oppsummere forrige(, herlege) veke:
  • SOL
  • Grilling
  • Kosing
  • Glattkøyring
  • Bergen
I morgon, eller rettare sagt, om nokre timar seinare i dag, skal eg ha samfunnsfagprøve. Det kjipe va at eg ikkje fekk vite om den hersens prøva før ca. i dag. No gjenstår det og sjå kor mykje kunnskap som har fått plass "oppi der" denne gongen. Eg har ikkje for store forventingar. Vi får sjå. Vi får sjå.

No gler eg meg berre til skulen er ferdig for dagen, slik at eg kan ta med meg mine herlighetar til Florø, så dei kan få sjå min vene heim, og reise til Førde med mine andre herlighetar. Det vert kjekS.

fredag 18. april 2008

Host hark nys

Forkjølinga har gått opp eit nivå, og eg befinn meg no i host, hark, nys + vond hals perioden. Utruleg ubehageleg. Og eg hatar å vere på jobb med hosting. Då meinar eg Remajobb. Jaja, det er no ikkje så kjekt å vere på webdesignjobb helelr, for den del. Tingen er berre at når eg fyrst byrjar å hoste, tar det eit hundeliv før det stansar att. Og på Rema, med utolmodige sunnfjordingar på rad og rekke("ring på ny kasse dååå"), tykkjer eg dette er bortimot ukult.

Jajajajaa. No er det tre minutt til eg er done for the day her på Ramzey. Eg og pappa skal på Fretex (eg ville, han sa ja), så ete noko godt, så køyre, så sjå på billegsofa til hybla. Veret er heilt fantastisk, og no (to min seinare) byrjar eg og pakke sammen.

torsdag 17. april 2008

Samandrag. Om du gidd liksom.

Eg orkar ikkje skrive heilt ut akkurat no. Eller seinare for den del. Eg skriv i kodar/stikkord og håpar folk forstår. Det er ikkje særleg djupe saker, men verdt å nemnast. Here goes:

Fredag:
Heim-Florø m/ båt. Sur betjent, utsolgt for ungdomskort -Min feil. plis.
Heim til Elisabeth -babsitter for the weekend.

Laurdag:
Jobb på Rema=ok. Simon har fått lapp, og køyrde heim. Eg+Eli+Taco+Poccahontas+jordbær=sant. Nattetur på Brandsøyåsen med veslesyster. Kjempekoseleg, mørkt og litt skummelt. Til sengs 23.30 -impregnert over meg sjølve.

Sundag:
Eg+Eli+Taco+Bambi+jordbær=sant til frukost. Herleg. Sykkeltur, bake bollar og lage kort. Pappa heime halv ni. Fin helg, fin pappa.

Måndag:
Båt til Bergen m/ hyggeleg ansatt +ungdomskort. Til Ramzey kl tolv. Får italiensk is med boss og har det berre kjekt. Kjem heim til fin familie. Eivind (pappa) har bursdag=kake og førtiåringbesøk. Ingvild (syster) og eg går to timar lang tur utan å heilt vite kvar. Kjempekjekt.

Tysdag:
Lite produktiv jobbdag. Litt lei + lite og gjere. Saknar skule + Sandanevener. Kjem heim til fin familie. Bodil (mamma) har bursdag=eg lagar grønsakpai til heile familien med tre pakkar paideig (!!). Frustis m/ Ingvild og Mathilde. Kjempespanande episode. åiåi.

Onsdag:
Vaknar med kjempevond hals. Ramzey=kjempeproduktiv dag. Gjer meg heilt ferdig med ulveklistremerker, som alltid har vore eit pirkeprosjekt. Lært mykje Indesign. Vidareutvikla BOMS med communityfunkjson. Bestilt Roskildebillett og er overlykkeleg. Etter jobb=Stian=kos+kaffi+Burger King+vindusshoppe. Kjempegodt og sjå att.

Kjem heim med planar om fjelltur m/ Ingvild og Mathilde, kakao og grillings. Men er fornuftig og blir heime grunna vond hals og stort bli-liggande-sjuk-potensiale. Skal jobbe laurdag=kan ikkje vere sjuk. Fiksar alle rekningar og har framleis pengar. Livet er herleg.

I morgon skal eg vere med pappa som har standby i Bergen. Eg skal til og med kanskje køyre litt bil. Skummelt. Seinare skal eg sjå på sofa til hybel og gå på kino med Ingvild. Litt trist at det snart er gått tre veker, men eg kjenner òg at det skal bli kjempegodt å komme att til fagre gloppen. De er elska av meg.

lørdag 12. april 2008

friday friday friday

Åiåi! Ei arbeidsveke har allereie passert utan ein gong å seie i frå! Ute skin sola, og her inne sit eg og får svett til å svette. Du skjønar kanskje kva eg meinar om du ser på biletet til venstre. Saken er nemleg slik at treningskjeden ”Svett og blid” skal skifte namn til ”sprek og blid”, og vil markere dette ved å lage ein animasjon til heimesida. Ramsøy Design har fått dette oppdraget. Og eg har under dei att fått i oppdrag å lage eit fyrsteutkast til skissene til animasjonen som skal lagast. Den vert etterpå sendt til ein DAN i Australia som skal lage den i Flash. Han er proPro.

Eg har hatt ei herleg veke. Eg må berre ha sagt det. Det er vel kanskje difor den har gått så uendeleg fort. På jobb går det no strålande. Eg har mykje å gjere, og har eit veldig allsidig og variert arbeid og jobbe med. Alt i frå å setje opp romplanar til messer Ramsøy har laga veggdesign til, til heimesider for born med Downs syndrom i Hordaland. Eg har det kjempekjekt. Dessutan har eg det svært koseleg med mine to Ramsøy kollegar. I går fekk eg is av dei. Koz.

På onsdag hadde eg først møte med BOMS, for å høyre om dei likte designet på heimesida. Dette var eg svært spent på, og vart sjølvsagt kjempeletta då ho utbraut: ”Wow”. Hoh, pust ut. ”Eg trodde det kom til å bli heilt bommers, men det her e jo heilt perfekt.” Eg vart så glad. Det einaste negative var det gule rundt bussen. Ho foreslo ei jordklode i stadenfor. Dette har eg fiksa no.

Seinare gjekk eg, Ingvild og Mathilde tur. Ingvild skulle etterkvart på volleyballtrening, så eg og Mathilde gjekk vidare opp på Eidsvågfjellet without. Då vi var komne opp på toppen, ringde Marte og ville vere med. Så vi gjekk ned, henta ho, og gjekk opp att. Då eg fyrst høyrde vi skulle på tur, tenkte eg det var slik ein ”around the block”-tur på asfalt. Ikkje ein fjelltur med gjørmestiar. Så eg kom no gånde med Converse-skoa og ulljakka mi. For å understreke kor upassande antrekket var, kan eg fortelje at eg hadde bark i navlen og snurklesko då eg kom heim att. Men det var no verdt det. Gnagsåra òg. For det var ein kjempefin tur med solnedgong i skyteppe over Bergen by. Nudeli.

I går besøkte eg Hilde i Norheimsund. Det var kjempekoselig, og alle var berre hæppihæppi. Eg fekk verkeleg sansen for internatlivet. Det verkar så kjempekoseleg og sosialt. Samstundes tenkjer eg at det fins visse fellestrekk for hybellivet eg har. Så eg klagar ikkje. Berre beundrar.

No fekk eg nettopp ein til is med sjef. Herlig! Alle er i fredagsmodus og gjer litt som ein vil. Nokon sit på skype, nokon skriv blogg (høh?) og nokon tyt i telefon.

Snart tar eg båten heim att til fagre Florø. Eg skal passe Elisabeth i helga, fordi alle er vekkreist. Det synes eg er greit. Då får eg ein ekstra slant pengar, og kan kanskje skippe jobbhelga eg har så lyst å tilbringe i Bergen for å feire IngvildRoomie. Jihu.

Ein halvtime igjen no...

tirsdag 8. april 2008

Web, yep!

No er det måndag att, og eg har hatt ein fin dag på jobb. Eg har faktisk hatt den beste dagen hittil i praksisperioden. Tida gjekk kjempefort, og eg fekk lage heimeside til verdens kulaste "forening". Forkortinga er BOMS, og står for "Bergen Omreisende MusikkSirkus". Kult? Det blir betre: sirkuset køyrer rundt i ein buss frå 50-talet og sel økologiske matvarer i tillegg til spreiinga av musikk. Eg har lært meg Webyep og sett meg inn i Rapidweaver. Det er eit program som eigentleg hadde eigna seg mykje betre for oss, som berre får tre veker webdesign i året. Konge. Ein liten smakebit av BOMSsida:


søndag 6. april 2008


Florø er ein herleg plass. Denne helga har eg verkeleg funne roa. I dag gjekk familien på Brandsøyåsen, og fann ut undervegs at vi heilt hadde gløymd loppemarknaden vi hadde planlagt å gå på. Om vi skulle rekke det, måtte vi gå ned den andre vegen -mot Brandsøya. Ein stk familie Schwett ankom marknaden utan sminke, fulle av granbar og med uvaska hår. Men det hindra oss ikkje i å troppe opp og beundre det herlege, gamle skrapet som var strødd utover gymsalen i Brandsøy skule. Mamma fann den mørkebrune, veteranskjenken ho hadde drøymd om, og hadde kjøpt den på flekken, hadde det ikkje vore for mangel av mål. I morgon legg ho nok inn bud, skal de sjå.

No sit eg på kjøkenet med sveitsarsjokolade, melk og Madrugada. Ahm...

lørdag 5. april 2008

Thomas.

Også; nett litt helgekos:

FURE Værbitt

Sånn halvegs på impuls reiste eg i dag (fredag) til Florø. Eg hadde eigentleg bestemt meg for å bli att i Bergen i helga, men sidan pappa skulle køyre, og eg likevel ikkje hadde nokon planar, kunne eg liksågodt vere med. No har eg vore på utstillinga til onkel Per, og den var heilt fantastisk. Eg elskar verka hans. Dei er utrulege. Utan å overdrive liksom. Eg var kjempestolt, og han fekk solgt over halvparten av (eg kan ikkje sei bileta) kunstverka. Vi kjøpte eitt. Då var eg nøgd. Etterpå fekk heile slekta komme på VIP-fest heime hjå Fure-Grøtting familien, der suppe, vin, song og volum stod på menyen. Dei utanforståande som var til stades, kan eg tenkje meg følte seg litt brydde, når mamma og dei tre systrene byrja og "ÅJE". Dei som kjenner mor mi, kan like godt få vite at ho er yngst, og at galskapen doblar seg for kvar syster som er eldre. Der er altså tre av dei. Kan du tenkje deg?
Morosam episode frå kvelden:

  • På utstillinga: litt småmurring frå den store folkemengda som beundra dei fine "bileta". Plutseleg høyrer ein "HAHAHEE", og det er sjølvsagt ingen andre enn Bente sin trillande latter som fyller heile salen. Mannen, Rune gøymer seg når han ser to viftande bein stikke ut i frå folkeklynga. Bente fortel i etterkant: "Nei, det hadde sæi sånn, at ho Irene og han Lars(?) skolle ha kappløp mot dæ bilde dei begge ville ha. For den som fyst sat raudt klistermerke på, fekk det. So dei sprang som noken hesta mot det, og trur ikkje du at æi sto rett framfor bildet dei storma i mot?! Dei kom på kvar si side av mæi, og dulta like mykje begge to. Æi berre for rundt og landa rett på rompa! Også berre låg æi der, som den SVISKA!"

onsdag 2. april 2008

Børgen (med rulle-R).

No har då min periode som praktikant starta. I tre veker framover skal eg vere utplassert i Ramsøy Design -eit grafisk design byrå, som ligg rett ved Torgallmenningen. Veldig praktisk. Etter ynskje frå Sonja skal eg skrive litt om korleis opphaldet mitt har vore til no.

Den fyrste dagen på jobb, må eg innrømme eg vart litt overvelda. Eg fekk oppgåver i program eg aldri hadde høyrt om før, og dei to andre på kontoret snakka eit webspråk som var gresk for meg. Eg spurte uskuldeg om det var Dreamweaver dei brukte som nettpubliseringsprogram, og fekk i svar at dei brukte både det og Rapidweaver, og tusen andre eg ikkje hugsar (sjølvsagt). Så... fyrstedagen vart eg litt slått ut. Det må eg berre ha sagt.

Dag 2, derimot, vart mykje betre. Eg fekk ein agenda som var mykje meir tileigna mine mediekompetansar, og eg jobba jamt og trutt 09.00-16.00. Eg laga blant anna ein ny logo for eit firma i same bygget. Riktig nok ikkje ein ny logo. Tingen var nemleg den, at firmaet hadde myst logoen i eps-format, og sat igjen med ein lågpoppløyst JPEG-fil. Eg vart sete på saka, og måtte teikne den på nytt Illustrator. Mareritt? Ja, om ein ikkje kan programmet, slik tilfellet var for min del. Min kjære boss viste meg defor ei TIP TOP side med alle tutorialane ein treng for å meistre samtlege CS3 program i Adobe pakken. Ver so GO´.

Den "nye" logoen. Den er ikkje særleg kul, men...: eg har teikna den, -i Illustrator!

I dag (onsdag) var det ein heilt vanleg dag. Følte eg i alle fall. Det var jo berre tredje dagen, så eg kan jo ikkje heilt definere ein ”vanleg dag” enda. AnywayZ. Fekk eitt nytt sett oppgåver. Mesteparten var vidarearbeid frå dagen i forkant. Mitt største prosjekt hittil i praksisperioden min, har vore FFU (Fellesaksjonen For Ulv). Heftige saker. Her har eg laga klistermerker, fargepalett, og banner til den nye heimesida. Om du vitjar den gamle, kan du lett skjøne kvifor dei vil ha ny. På klistermerka skal det stå diverse slagord frå patriotforeniniga. Nokre døme er:
  • Ja, til ulv!
  • Leve ulven!
  • Ja, til rovdyr i norsk natur!


Det tar jo heilt av. Men det er no heilt greit form min del. For så vidt. Det er eigentleg morsomt å lage klistermerke.


Ellers kan eg meddele at eg offisielt har vorte innvia i min vertssøsters kveldsklubb. Noko eg tykkjer er kjempekoseleg. Dei to veninnene som er like gamle som meg, er supersøte, og eg trur dette blir tre kjekke veker.

Kveldzklubben. Eg får være med i "the inner circle", og det er kult.



No er eg trøytt, og augene svir. Det kjennes faktisk ut som om nokon har putta ekstra salte Ritzkjeks under augeloka på meg. Berre på pur. For noken typa. TØFFE typa.

søndag 30. mars 2008

Til Mariell

lørdag 29. mars 2008

No er vi komen til laurdag. Allereie. Denne veka har gått kjempefort. Eg kan eigentleg ikkje heilt hugse kva vi har gjort. Ikkje stort trur eg. Sånn skulemessig altså. No sit eg til sengs med dataen på fanget og høyrer Disney soundtracks. For augenblinken er det Poccahontas som fyll den stille hybelen: "Hea-Hea-JappindeheheA", medan eg lastar ned ein manglande episode L Word. Deilig slakkedag. Eg har nett spelt mario på 123.spill. Der har eg ikkje vore sidan barneskulen, då vi hadde ein kassedata ståande bakerst i klasserommet. Det var eit morosamt gjensyn.

Eg skulle eiegentleg skrive om bursdagen til Sonja, men eg orkar ikkje. Ikkje fordi det ikkje var kjekt, for det var det. Veldig. Men eg orkar liksom ikkje å skrive slikt eit handlingsreferat akkurat no.

Eg gler meg sånn til måndag. Då skal eg i praksis. Eg skal vere utplassert i ei grafisk desgin bedrift som heiter Ramsøy Design, og der skal eg vere i tre veker. I går sendte eg ein "bekreftingmail" til dei, for å få stadfesta at dei ikkje hadde gløymd meg. Dei virkar så kjekke!
Mailen eg fekk att går slik:

Hei Christine!
Me ser og fram til du kjem på mondag, det vert spennande.
Ryng meg når du er i nærleiken, eller på ryngjeklokka til kontoret.

Ha ei god helg!


Hihi!! I perioden skal eg bu hjå fadderen min, Bodil og familien hennar. Det trur eg blir veldig koseleg. Bodil og mamma gjekk på Firda saman, og var BestFriendz4EverLzm. Diverre har dei ikkje helde kontakten så veldig dei siste åra (10 åra?), så eg har liksom ikkje fått sjansen til å verte skikkeleg kjend med verken ho eller dei andre. Men vi har det alltid veldig kjekt når vi ein gong i århundret møtast då, så eg trur dette skal gå knirkefritt og finfint.

No skal Geir spise frokost. Så skal vi se Scrubs sammen. Så skal vi få med Ingvalidiumet og rydde rekehybelen.

torsdag 27. mars 2008

Trøyttleik (?)

No har eg site i fleirfaldege timar til sengs berre på grunn av den dumme prøva vi har i morgon. Eg har sjølvsagt ikkje lese dei resterande kapittela i "Ut og stjæle hester", som òg er til i morgon, for ikkje å nemne engelskleksa.  Gruff, for eit liv. On the bright side har det vore sol heile veka (tysdag+onsdag), og det gjer meg godt. Håpar det vert fint i morgon òg, for då har eg ingenting eg skulle ha gjort, bortsett frå å få byte vakta mi på Rema kommande laurdag. Interessert? Det er ei gullgruve, eg seier det berre. Men eg har diverre meir lyst å få med meg bursdagen til Sonja. Det blir ein potensiell (sidan eg berre kanskje kjem. buhu) superkjekk kveld. 
Etter desse langdryge timane med intens pugging. La eg meg ned på den kvite senga mi og høyrte på Bob Dylan. Med inspirasjon frå Geir, visstnok. Eg høyrte han gjennom veggen og vart sjalu. Måtte herme liksom. Uansett; det var ikkje mitt poeng. Poenget var, at etter eit par avslappa minutt, vart eg likevel litt nyfiken, og måtte hale fram macen min. Berre for moroskuld, gjekk eg inn på Photobooth, og fann fort ut kvifor veslesystera mi hadde vore så gira på å få låne den i påska. Ein liten smugkikk frå galleriet får du her:





Takk, og god natt.

mandag 24. mars 2008

nam, påske.

Eg kunne hatt ferie minst ei veke til. Det er så fantastisk deilig å ikkje ha nokon skulerelaterte ting å måtte tenkje på, at eg trur eg snart kreperer. Påska har vore heilt perfekt. Eg har vore litt her, og litt der. Og natt til laurdag overnatta Furesøskenborna i hytta på Fure etter ein felles, tradisjonell påskelunsj med resten av slekta. Hytta er svært koseleg utstyrt med turnus og open peis. Noko straum eler varmtvatn fins der ikkje. Men det er litt av sjarmen. Sjølv om eg glatt må innrømme at det å gå på utedo, kanskje ikkje er det kjekkast eg veit. I alle fall ikkje i minusgrader.

No har eg atter ein gong ein aleineheimefest samans med Oliver. Han er ein filosofisk katt, skal de vite. Fann han nettopp nede i vindaugskarmen, medan han i det stille filosofert utover dei tjukke snøflaka som komdalande ned.

I dag kom my mama heim frå Stadt. Daniel er hjå ein Eirik og Elisabeth og pappa er i Sveits i begravelse til Oldemor Elisabeth. Eg og mamma måka heile innkøyrselen som var heilt gjensnødd. Det var ingen enkel sak, men the two powerful ladies managed. Etterpå laga eg snøhole i haugen vi hadde laga. Mamma solte seg i solstolen ved siden av -i en sovepose. Etterpå rydda eg rommet mitt, og reiste til Sandane. Gjorde det samme der. Kjempedeilig å være tilbake. No er eg faktisk klar til skulestart!

mandag 17. mars 2008

Påskekrim

Eg sit på kjøkenet i min eigen heim. Klokka er halv eitt, og rundt meg er det fullstendig ro. I alle fall til eg vert forskremt av ein viss Darth Vader lyd frå vaskerommet, sju meter frå kjøkenbordet. Eg snur meg, og ser ein breiskuldra mannssiluett halveges bortgøymd av dørkarmen. Eg skal til og skrike, men tenkjer at eg ikkje vil skremme Oliver, min kjære katt. Då eg for andre gong ser etter, oppdagar eg at det berre er ei av dei titals uniformskjortene til pappa, som er hengt opp i gardinstanga. Lyden anar eg ikkje kvar kom i frå, however. Men men. Eg er aleine, men ikkje husredd. Vanlegvis. Ikkje no heller, for den del, når eg utan drama løyste siluettmysteriet. Dessutan ligg bror min, Daniel under spisebordet på stova. Han sovna der medan han leika med ein elektrisk kosebjørn. Han er seksten bai de wei.

No er påska i full gang. Eller ikkje sjølve påska, men palmehelga. Og det er jo greit. Eg skal nyte all fridomen og tida til å slappe av og berre ta vare på meg sjølv. Hilde kom heim på fredags kveld, og vi har vore med kvarandre kvar dag sida. Deilig. I løpet av tida, har eg på ein eller anna klart å overraske ho med mine kokkekunstar, som eigentleg ikkje er noko anna enn billege kopiar. Bortsett frå spaghettien. Den er faktisk min. Og eg seier det igjen (, Ingvild) eg er god på sausar.

No har eg dei siste femten minutta sett på videoblaggar. Kvaliteten på dei forkjellege innslaga er veldig variert. Men det var morosamt å sjå på video i stadenfor bilete og tekst, sjølv om det òg er kjekt.

onsdag 12. mars 2008

norsk heildags og framtidsplanar.

Herrrlig. No er eg ferdig med dette semesterets heildagsprøve i norsk. Eg fekk det som eg ville og kunne velje novelletolking som opppgåve. Konge! Sjølv om eg ikkje fekk nok tid til å skrive ned alle dei kule tankane mine kring novella, må eg innrømme at dette er den beste norskheildagsprøva eg har hatt. Mitt vanlege mønster går slik:
1. kjem relativt fort i gang. Mange idear i byrjinga.
2. i elleve-tolv tida får eg hjerneteppe -> skrivesperre -> panikk. Gir nesten opp håpet og vil grine.
3. det går ganske greit att, og eg blir ferdig litt før tida, men lite nøgd.

I dag gjekk det slik:
1. SKRIVE FOR FULT I 5 TIMAR!
2. 13.40 = innlevering. Får krampe i handa men vert ferdig. NØGD.

Ah. Det er mars og vår. Eg trur eg må låne meg "Pan", så eg kan lese den i påska. Snart er det nemleg påskeferie, og snart er det praksis. Og snart etter det att er det Dokumentarfilmfestival i Volda. Deretter er det mai med alle dei kjekke dagane. Så kjem juni og snart skuleslutt. Jippi YO. Livet er ein dans på roser, spør du meg. I alle fall fram til neste år.

tirsdag 11. mars 2008

Ein måndag.

No er det snart slutt på denne vekas måndag. Eg har hatt ein fin dag, så eg skal ikkje klage. Det har vore fint vér, og alle rundt om kring vert blide. Geir vert effektiv og kreativ i tillegg, seier han. Det syntes eg var kult, for då vaska han så mykje opp etter seg, og då er hybelen fin og rein. I går returnerte eg til Sandane klokka åtte om kvelden. Eg hadde med meg kusina mi, Inger, som gjerne vil bu her neste år. Ho fekk seg ein liten omvisning på hybelen til Janne, Kristine og Hilde og tykte den var svært koseleg. Det tykkjer eg òg. Trur det blir stas og ha litt slekt i hus.

I dag var siste gongen med teorikurs. Det visste eg ikkje før Asgeir sa det før vi gjekk. Eg visste heller ikkje at vi skulle ha ei lateprøve. Eg og Sonja var tydelegvis dei einaste, noko som eigentleg ikkje forundrar meg, i og med vi er herr og fru distrè. Eg kunne cirkus halvparten av spørsmåla. Resten tippa eg på. Det er litt for dårleg. Men det gav meg i allefall motivasjon til å øve. Trudde eg. Då eg kom heim skulle eg eigentleg sette meg ned og lese for fult. Men så var det så støvete på rommet mitt, at eg rett og slett tok og vaska litt. I same slengen sorterte eg alle ark som låg laust og i skrivebøker. Reinska ut alt stoff og ustoff, satte noko av det i permar og resten kasta eg. Eg kunne eigentleg ønske ein kunne resirkulere papir til tre igjen. Det hadde vore koseligare, og samvitet mitt hadde ikkje fått ein knekk kvar gong eg kasta ein haug kladdeark (og andre ark).

Må berre til slutt fortelje ei lita solskinnshistorie frå i går; Geir skulle drikke O´Boy av det store bolleglaset vårt, og klarte å knuse eit lite hol mitt på sida av glaset medan han rørte med skeia. Planten Gro, som Ingvild ved eitt uhell mista i golvet under litt uberska dansing på hippiefesten, har no stått utan potte i fleire veker. Geir har tetta det lille holet i glaset med eit tøystykke av ein ofra boksershorts og planta Gro ned i glaset. Kjempesøtt!

Gro.

søndag 9. mars 2008

Fryd og gammen og mamma.

Det er helg. Alt er fredeleg. Huset er varmt. Oliver er søt. Mamma er her. Perfekt. Denne helga er eg i min heimby, Florø. Atmosfæren er etter mi meining avslappa, alle er nøgde og alle er sjølvsagt mette på god mat. I går ettermiddag ankom eg Florø med buss, og pappa kom og henta meg med sitt "nye" glis. Eg fekk køyre! Heile familien skulle rett til Oyrolav i bursdagsselskap. Roy Olav og familien er "vennefamilien" til mamma, pappa og Elisabeth. Då eg og Daniel entra døra var det liksom: "neimen, e ungdommane med, òg? Det va no... kjekt". Deretter var det litt fram og tilbake om det var ved barne- eller vaksenbordet vi høyrde heime. Vi endte opp med dei vaksne, og fekk kaffi, ikkje solo.

I dag har eg hatt ein kjekk dag på min fjerde heim, Rema. Eg fekk for fyrste gong i mitt liv selge alkohol. Dette er stort for meg, og noko eg har venta på i nesten to år. Sist gong eg var på Rema, var datoen 2. februar. Noko som vil sei (for deg som ikkje veit det); dagen før dagen. Om du skjønar. Ekte nedtur. Men i dag...: YES! Alt gjekk smud.

Etter jobb laga eg og pappa nachospizza. Pizzaen var nett kome ut av ovnen, og mens den kjølte seg ned litt, såg vi slutten av Borettslaget. Då det var ferdig fekk vi plutseleg litt angst for at pizzaen hadde vorte kald. Vi orga og stressa for å "rekke" pizzaen, og midt opp i heile kaoset klarte Elisabeth og søle eit glas solbærsaft utover bordet. I stadenfor å springe etter noko å tørke det opp med, slik som vanlege homosapiens ville gjort, fekk ho eit lite utbrot: "SÅ IDIOTISK"! Dette minte meg litt om yoghurtepisoden eg hadde tre år tilbake:

Eg kjem heim, trøytt og sliten m/ heteslag frå ein heseblesande sykkeltur opp botnaholten. Eg sit ned ved kjøkenbordet, og vil gjerne kjøle meg ned med noko. Eg opnar kjøleskåpdøra og legg auga på ein uopna yoghurtboks (, der den plastikktingen øverst ikkje er teke av enda). Eg tenkjer "AH", og legg den kalde plastflata mot panna. Dette må eg innrømme kjendes svært komfortabelt, heilt fram til augneblunken der eg merkar at eg er full av yoghurt. Eg skrik ut "FAENSKAP", samstundes som eg vert svært overraska over ordvalet mitt.

Faenskap er eit ord eg forbind med FSK-gutta i nedre rang, som brukar det i fotballsamanhengar som når Eikefjorden skårar mål mot Florø. Parallellen til Eli-historia var utbrotet, men poenget i den var slutten. Som dukka opp eit år etterpå...

Etter å ha tørka siste skvetten melonyoghurt av t-skjorta, byrja eg og tenkje over kva slags idiot som kunne finne på og opne plastikktingen, men ikkje ta den heilt av. Eg kunne liksom ikkje forestille meg at det var nokon i familien som hadde gjort det. Faren min er jo sveitsar for crying out loud! Eg fortalte sjølvsagt om hendinga til Hilde, med stor forarging i stemma. Dette viste seg i ettertid å vere eit lite smart trekk av meg, ettersom ho var syndaren, og ikkje torde å seie noko til meg. Dette fekk eg altså ikkje vite om før eit hundeliv seinare.

No sit eg på Bed&Breakfastrommet mitt i heimen min og har det berre slapp. I morgon skal eg slappe enda meir av. Ahm. Livet er herleg. Den vil eg forresten sjå igjen snart.

torsdag 6. mars 2008

Nei, har du sett.

For inntil eit par dagar sidan trudde eg våren var i gang for fult. Ikkje meir snø, ikkje meir kulde, og mykje meir sol og varme. I går tidlig vakna eg til ei kvit verd. Eg måtte kave meg gjennom høge brøytekantar av teit snø og myse med augene for ikkje å bli heilt snøblind. (Ja, eg veit det skjer på ein heilt anna måte på ekte.) Eg gruar meg til all snøen smeltar igjen. Då kjem det sikkert ei tsunamibølga av overflødig vatn frå snøtida. Hurgh.

Ellers kan eg informere alle og ein kvar om at eg hadde køyretime i dag. På Eid. Det var lærerikt, snøfullt og irriterande. Med sistnemde siktar eg til dei fire telefonsamtalane læreren min svarte på på rad, medan eg køyrde i sentrum og skulle passe meg for alt mogeleg. Fytti grisen så distraherande. Etterpå kom han med: ”Eg gjorde det bevisst for å få deg til å lære og køyre sjølvstendig.” Kiss my natural schwarz ass. Han nevnte ikkje det med ”bevisst telefonsvaring” før eg brakte det på bane då han dynka meg med kritikk for køyringa mi. Eg blei ganske sur, skal eg innrømme, og det skjer ikkje ofte i den samanheng!

I heile dag har eg vore ei real apeslenge og daffa rundt på hybelen min. Etter skulen var eg heilt utmatta, og måtte rett heim for å få meg seng og føde. Kvelden i går vart litt sein, i og med at eg var fast bestemt (opphengt) i å lese ferdig den siste Harry Potter boka. Kjempespanande, dog klisjèslutten eg hadde frykta litt for, dukka opp in the end, after all. Heldigvis kan eg no utan distrakjsonar lese boka vi har i norsk: "Ut og stjæle hester" av Per Petterson. Den er utruleg bra hittil. Full fokus no.

Uansett. Tilbake til min forbigåtte dag. Eg laga meg først av alt ein funky middag eg fekk servert i italia, med squash, tunfisk og hermetiske tomatar. Sjølv la eg til fullkornsnudlar, som forresten var svært tasty. I stadenfor ein middagslur etter maten, måtte eg sjølvsagt plage Geir til døde. Han blir aldri sint, noko som gjer det morsommare for meg, og kjipare for han. Eg slutta og mase då eg fekk Milky Way, og han lasta ned PacMan til Xboxen sin. Resten av ettermiddagen gjekk stort sett i L Word episodar, som i løpet av dei siste nettene har lasta seg ned på macen. Sjølv om Elin og Sonja e way ahead of meg, skal eg nok ta dei igjen. Berre vent til påska. Då blir det maraton i tømmerkottet mitt på Stadt.


I dag skulle eg:
  • rydde rommet
  • vaske rommet
  • lage squashmiddag
  • gjere engelsklekse
  • lese to kapittel i "Ut og stjæle hester"
  • gå på step
  • skrive Italia-rapport
  • slappe litt av
  • sjå 1 episode av The L Word

I dag har eg:

  • laga squashmiddag
  • slappa masse av
  • droppa steppen
  • sett 4 episoda av The L Word
  • lest to kapittel i "Ut og stjele hester" (faktisk)
  • sett på engelskleksa

fredag 29. februar 2008

Detox og sånn.

No er det på tide med litt oppdatering av min halvdaude blogg. Den er like halvdaud som eg er no, på slutten av min detoxperiode. Uff og æsj. Eg er drittlei frukt og grønsaker. Kva kjem til å skje når eg har gjort meg ferdig med denne triste delen av livet mitt? Får eg eit samanbrot og må ete alle melke-, kjøt- og krydderprodukt i heile verda til eg døyr? Håpar det. For no lengtar eg som ein Ingvild etter Sopranos. Og eg veit ikkje kva du meiner, men eg trur det er gale. I naborommet (kjøkenet) sit Geir og les til prøve, OG et pizza. Tykkjer det er litt urettferdig. Han kom faktisk bort til meg med eit gloheitt stykke og trykte det under mi no svært sensitiv-for-deilig-mat-nase. Tosk. Heldigvis er fredag siste dagen, og eg skal unne meg mormor si betasuppe m/salt på kvelden etterfulgt av eit visstnok morosamt teater. Sjølvsagt blir det morosamt. Det er jo Stadlandet for crying out loud. I same slengen får eg òg teke nokre nye bilete til mi "under oppdatering"-heimeside: Ditlef-Maria-Huset. Eg vil helst ikkje lage ei lenke til denne sida før den er heilt ferdig -på nytt. For no er den eigentleg berre stygg. Men men. Det kjem seg, for ein tru.

No nettopp kom Lina krypande inn knirkedøra mi, og ville ha meg med på "Ut i vår hage"-fest. Eg sa nja og men atte... Men vart til slutt så blenda av det søte, vesle vesenet at det ikkje var råd å halde ut. Heldigvis kan eg holde meg på matta utan raudvin, fordi EG E PÅ DETOX. blah.

fredag 8. februar 2008

Lathans

Eg er no offisielt ein lathans! Eg utset alt som kan utsetjast, og skippar alt som kan skippast. Denne veka har eg:
  • ikkje byrja på rapporten (som skal inn i morgon).
  • sett litt for mykje "Desperate housewifes". Eg må jo sjå episodane eg ikkje har sett før den nye sesongen har premiere neste tysdag!
  • vore mykje hjå Mona, noko som har resultert i kosing/utsetting i stadenfor rydding og lekser.
  • ikkje ete snop (on the bright side, liksom. Berre sånn btw).
No er det eit nytt semester, og på tide med ein ny innsats. Både i skulevegen og husahaldninga. Motivasjonen og disiplinen eg hadde i haust er heilt borte, og rapporten eg framleis ikkje har rørt, får meg til å gjere alt anna.

No sit eg på mitt deilige, men støvete soverom, med Magnet på øyrene for å overdøyve superhøg trancemusikk frå Ingvild sitt soverom. Ho har besøk av Andreas. Lurar på kva dei prøvar å overdøyve. Heldigvis er det ikkje berre eg som ikkje har byrja på den hersens rapporten.

Hippiekostymet til helga heng på veggen og klar til bruk. På laurdag brakar det nemlig laust på min vesle hybel. 30 stk festlege vener kjem på hippiefeiringa av mitt attande år. Det vert kjempekjekt! Daniel, min bror og AnnLehen kjem òg. I morgon skal eg kanskje til Førde for å møte dei. Pluss mamma då. Ho skal dit på ferie med pappa, som flyg der. Vi skal ete noko godt saman, sidan eg ikkje skal heim på over ein månad. Mamma tykkjer det er litt drygt. Eg òg eigentleg. Men vil ein ha hippiefest, reise til Italia og få med seg Kaizers, er ein naudd å gjere nokre ofringar.

Æsj! No kom eg på at vi skulle lese eit Bjørneboe essay til i morgon. Norsk. Med Margot. Eg får vel gjer det då.

mandag 4. februar 2008

Kjempemessig!

Dagen vart faktisk mykje betre enn venta. Frokost på senga med champagne, berlinerbolle og ein klump herleg familie. Gåvene var dessutan overraskande store. Eg trudde heilt ærleg ikkje eg skulle få noko i det heile, sidan mine kjære foreldre betalar førarkortet, og vegen dit for meg. Av mamma og pappa fekk eg tur til London. Kjempesøtt. Eg og mamma skal ta oss ei langhelg med musikalar og loppemarknad among british gentlemen.

Til brunsj kom tante og onklar. Men plutseleg vart det mange fleire enn planlagt, og det var kjempekjekt! Nokre var blitt stuck i Florø grunna vèret, medan andre rett og slett kom som ei overrasking.

Ut på ettermiddagen gjekk Schwarz´ på Tomasine for å ete middag. Nam. Deretter tok eg bussen tilbake til Sandane, og fekk bursdagsklem og Oreokjeks med dei innfødde i huset. Geir hadde dessutan vaska kjøkenet til det glitra.


No er eg lukkeleg og ikkje irritabel. God natt

søndag 3. februar 2008

Overgangsalder?

Irritabel, eller berre kjempetrøtt? Eg veit ikkje. Ting har vore litt opp og ned, fram og tilbake dei siste dagane. Dårlige filmprosjekt og turbulent grupperbeid er nok til at eg blir lite kjekk og ha med og gjer. Dagane har gått frå å vere kjempekjekke til å vere kjempeteite. Eg har vore både glad i og kjempeprovosert på enkelte over svært korte tidsrom. Likevel følar eg eg har hatt eit nokså solid grunnlag for det. Andre er kanskje ueinige.

Svevnen er òg noko som går litt i berg og dalbane hjå meg for tida. Ei natt får eg sove, andre ikkje. No er det helg, og eg er i Florø for å jobbe og verte vaksen. Må berre få poengtere at eg faktisk (i dette nu) offisielt er atten år. Om det kjennast rart? Nei, ikkje i det heile. Eg er framleis Christine, har ein grøn koffert eg har gløymd og ein katt som heiter Oliver. Det einaste som har forandra seg er det bakerste talet av år eg har levd. Kanskje det nettopp er det som er svaret på diverse irritasjonar og svevnmanglar. Eg er kome i overgangsalderen. Eg prøvar å omsetje meg frå å vere born til å verte vaksen. Men endar opp med å skape ein dårleg aura rundt meg.

Intimfeiringa av bursdagen min vart kanskje ikkje heilt som venta. Eg var i utgangspunktet supertrøtt etter ein Remadag med: "Nei, eg kan diverre ikkje scanne øla sjølv, eg blir nemleg ikkje atten før i morgon". Gjestane var dessutan litt (for) blanda drops, noko som glatt resulterte i ei gedigen informasjonskløft. Og då meiner eg ei kløft på kryss og tvers. Hadde nok litt for høge forventningar.

Eg har forresten over lengre tid vore litt småirritert (overraska?) over alle forventningane folk har hatt til at eg skal "gå ut" og rule ein pub fem over tolv, når vaksenlivet endeleg tek til. Eg har roleg forklart at "nei, eg skal nok berre ha ein roleg kveld, og at eg heller skal feire meir neste helg på Sandane". "Men du blir jo atten", er som regel come backen. Helle dusten, tenkjer eg då. Eg skal jo vere vaksen resten av livet, kvifor starte det med det same når eg har ein mykje kjekkare kveld i vente i min eigentlege krets? Dessutan; av dei eg framleis er saman med frå Florø er det ingen som er atten, så hm... på pub aleine? Neitakk.

Eg er klar over at dette var eit særs deprimerande og sikkert irriterande innlegg, men slik er det altså. Atten -ikkje kult med det same. Får håpe det kjem seg. Det gjer det nok, forresten. For i morgon tidleg, (om litt) vil eg i det fjerne høyre: "hurra for deg som fyller ditt år..." og mi herlige familie kjem med frokost og gåver på senga til meg. Eg har alltid vore vekkskjemd med kjærleik og trivialitetar. Slik er det, og slik blir det. Til frukost kjem tante og onklar. Mamma arrangerar sjølvsagt. No skal eg lese eit par sider Harry Potter, og sjå om eg søv betre som vaksen.

tirsdag 29. januar 2008

Mandag morra blues

Nok ein måndag er her. Dagen vi alltid gler oss til. Eg saknar Helene, merkar eg. Til tross for lite pedagogisk undervising, sprettauge og tre lag tjukke rynker i panna, kjenner eg at det hadde vore godt å sjå ho att. Vi lo mykje meir i klassa enn vi gjer når vi har geJr. Kjipt.

Nattesvevnen vart grådig redusert natt til i dag. Vanvittige draumar og ville hallusinasjonar herja som småkåte måkar rundt i det lille, gusjegrøne soverommet mitt. Ingvild skulle ha meg med på eit eller anna prosjekt, eg skjønte ingenting men måtte hjelpe ho likevel. Eg var ikkje blid då eg vakna. Ikkje resten av dagen heller, når eg tenkjer meg om. Beklagar, kjære medelevar -at eg var så gretten. Kan skjøne det er keisamt å vere morgongretten ein heil dag. Får håpe eg får sove betre etter ei hard aukt aerobic i kveld. Det trur eg. Ellers tyr eg til Valerina, som dessutan ikkje hjelp stort likevel.

Heile forrige veke gjekk til laging av dreiebok, planlegging og filming. Var nesten ikkje på skulen i det heile. Eg syntes det var litt rart då Sonja tidlegare i dag fortalde meg at ho sakna og vere på skulen. Men då eg endelig kom opp på skulen og fikk sitje ved min kjære iMac igjen, forstod eg alt. Det er faktisk min andre heim, dette ukoslege, rotete klasserommet. Det er vel difor eg nok ein gong sit her lenge etter skuletid og puslar med litt av kvart. Eg tok, som de kanskje ser endeleg mot til meg og prøvde meg på html-kodinga på layouten. No er bloggen litt meir min, på ein måte.

Helga var kjempefin. Sosse- og berteselskapet var vellukka, og alle var glade. Likevel fann eg senga rimeleg tidleg. Ikkje veit eg kvifor. På laurdag var eg den ultimate slasken. Med macen godt plassert på fanget, micromat i munnen (og på lakenet...) tilbragte eg heile dagen i den gode senga mi. Det kjendes kjempegodt, men likevel litt usosialt og usunt. Då klokka nesten var seks, heiv eg på meg klede, og sprang på butikken for å kjøpe melk og sjokolade. Den delte eg sjølvsagt med gulehusgjengen, som inviterte meg på vegetartaco. Neste gong skal eg òg bruke tacokrydderet på champignonen. Kjempegodt! Resten av kvelden var det inn, ut, fram og tilbake. Folk kom og folk gjekk. Vi kom og vi gjekk. Vi såg på bilete, og eg slapp inn på Willy. Det var litt keisamt likevel, for eg var ikkje i like godt dansehumør som dei andre. Klokka fem låg alle opp på kvarandre på sofaen til Lina og Ragnhild, så eg tok meg saman og kraup til sengs. Mi seng.

Sundagen var ein smule lik laurdagen. Senga vart igjen hovudbasen, men eg var betre opplagt (pussig nok), og reinska hybelen for alt som heitte kliss, rot og tome Biolakartongar. Michael Jackson med sine "ah" og "chemon"hjalp til. Elles var det film og pølsefrukost med Lina og Ragnhild, planlegging av skitur som ikkje vart noko av grunna mangel av bil. På kvelden var det atter ein gong samling, der bollar og kos stod på agenda.

No er eg svolten, trøtt og iskald. Så Rema er neste stopp, etterfulgt av varm hybel (?) og god middag.